“Neytral Türkmənistan dünyada sülhün möhkəmlənməsinə böyük əhəmiyyət verir”.
Teleqraf xəbər verir ki, bunu Türkmənistan Xalq Məsləhəti Şurasının Sədri Qurbanqulu Berdiməhəmmədov sözügedən qurumun iclasında deyib.
“Müstəqil, daimi bitərəf ölkəmiz dünyada sülhün, etimadın və qarşılıqlı anlaşmanın möhkəmlənməsinə böyük əhəmiyyət verir. Bu istiqamətdə ardıcıl olaraq beynəlxalq təşəbbüslər irəli sürür”, - qurumun rəhbəri bildirib.
Q.Berdiməhəmmədov BMT Baş Assambleyasının qətnaməsinə əsaslanaraq türkmən dövlətinin təşəbbüsü ilə 2025-ci ilin “Sülh və Beynəlxalq Etimad İli” elan edilməsinin siyasi əhəmiyyətinə diqqət çəkib: “Bu, Türkmənistanın “Açıq qapı” siyasətinin geniş miqyasda uğur qazanmasının sübutudur.
Türkmənistanın “Sülh və etimad quruculuğu, neytral Türkmənistanın siyasətinin hüquqi əsasları haqqında” Konstitusiya qanunu da ölkə Konstitusiyasına uyğun olaraq hazırlanıb”.
İclas zamanı Prezident Sərdar Berdiməhəmmədov qanunu imzalayıb.
