Ağcabədidə bir ailənin 4 üzvünün xəsarət alması ilə nəticələnən ağır yol-nəqliyyat hadisəsi baş verib.
Senzor.az bildirir ki, hadisə rayonun Arazbar kəndində qeydə alınıb.
Belə ki, kənd sakini, 1979-cu il təvəllüdlü Hakim Umud oğlu Hüseynov idarə etdiyi "VAZ-21014" markalı avtomobillə hərəkətdə olarkən idarəetməni itirib və maşın yol kənarındakı elektrik dirəyinə çırpılıb.
Nəticədə avtomobilin sürücüsü H.Hüseynov və qardaşının maşında olan ailə üzvləri — 1983-cü il təvəllüdlü Adilə Bayramqulu qızı Hüseynova, onun övladları: 2021-ci il təvəllüdlü Fərqiyyə Səbuhi qızı Hüseynova və Umud Səbuhi oğlu Hüseynov müxtəlif dərəcəli bədən xəsarətləri alıblar.
Xəsarət alanlar Ağcabədi Rayon Mərkəzi Xəstəxanasına çatdırılıblar.
Faktla bağlı araşdırma aparılır.
