Azərbaycan Respublikasının keçmiş baş prokuroru İxtiyar Şirinov vəfat edib.
Senzor.az bildirir ki, bu barədə onun qohumları məlumat yayıblar.
Mərhumun uzun müddətdir ciddi xəstəlikdən əziyyət çəkdiyi bildirilir.
Xatırladaq ki, İ.Şirinov 24 iyul 1952-ci ildə Beyləqan rayonunda anadan olub. 1972-1977-ci illərdə Bakı Dövlət Universitetinin Hüquq fakültəsində ali təhsil alıb. AXC hakimiyyəti dövründə əvvəlcə dövlət müşaviri olub. Sonra baş prokuror (1992–1993-cü illərdə) vəzifəsində çalışıb.
Onu da qeyd edək ki, İ.Şirinov son vaxtlara qədər Milli Konqres Partiyası adlı siyasi qurumun rəhbəri olub.
