Lənkəranda yol qəzasında xəsarət alan axund ölüb.
APA-nın verdiyi məlumata görə, Əkrəm Cəlal oğlu Hüseynov həkimlərin səyinə baxmayaraq, xəstəxanada dünyasını dəyişib.
Faktla bağlı araşdırma aparılır.
**22:41(18.11.2022)
Lənkəranda yol qəzası baş verib.
APA-nın məlumatına görə, hadisə Mamusta kəndi ərazisində qeydə alınıb.
Üç təkərli “Murovey” motosikleti kənd ərazisində hərəkətdə olarkən piyada- 1975-ci il təvəllüdlü Əkrəm Cəlal oğlu Hüseynovu vurub.
Dərhal hadisə yerinə Şürük kəndinin Təcili Tibbi Yardım əməkdaşları çağırılıb.
Yaralı ağır vəziyyətdə Lənkəran Rayon Mərkəzi Xəstəxanasının reanimasiya şöbəsinə yerləşdirilib.
Həkimlər onun vəziyyətini ağır qiymətləndirirlər.
Qeyd edək ki, xəsarət alan Əkrəm Hüseynov Lənkəran rayonunun Bala Şürük kənd məscidinin axundudur.
Faktla bağlı Lənkəran Rayon Polis Şöbəsində araşdırma aparılır.
