Kəlbəcərdə mina partlayışında şəhid olan hərbçinin adı məlum olub.

Senzor.az bildirir ki, bu barədə Müdafiə Nazirliyindən məlumat verilib.

Qeyd olunub ki, dekabrın 14-ü saat 18  radələrində Kəlbəcər rayonunun Çıraq kəndi ərazisində mina partlayışı nəticəsində Azərbaycan Ordusunun hərbi qulluqçusu Hümbətov Zöhrab Məhəmməd oğlu şəhid olub.

"Müdafiə Nazirliyinin rəhbərliyi şəhid olan hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir. Allah rəhmət eləsin!", - deyə nazirliyin yaydığı məlumatda qeyd olunub.

Bu arada o da məlum olub ki, Zöhrab  Hümbətovun  ailəsi Tovuz rayonunun Aşağı Quşçu kəndində yaşayır. O, 10 ildən çox idi ki, hərbidə xidmət edirdi. 3 övladı var. 

Şəhidin sabah dəfn olunacağı bildirilir.