“20 il bundan əvvəl AMEA-da hansısa vəzifə üçün 20 nəfər müraciət edirdi. Sonrakın illərdə bu rəqəm 5-6 nəfərə düşdü”.

Bunu Azərbaycan Milli Elmlər Akademiyasının prezidenti, akademik İsa Həbibbəyli Humanitar və İctimai Elmlər bölmələrinin illik hesabatlarına həsr olunmuş iclasda deyib.

O qeyd edib ki, lakin indi bir yerə bir, çox nadir hallarda iki namizəd müraciət edir: “Bu, uğurlu seçim etmək üçün manevr imkanlarını azaldır. Bunun səbəblərindən biri təqaüdlərin az olması idi. Lakin hesab edirəm ki, dövlət başçısı İlham Əliyevin bir müddət öncə alimlərin əməyinin stimullaşdırılması istiqamətində verdiyi Fərman elmə yönələn insanların sayını artıracaq. Beləliklə, Akademiyada gəncləşmə prosesi sürətlənəcək”.