Saat 21:00-a olan məlumata əsasən Quba, Qusar, Şəki, Xaltan, Şahdağ, Sabirabad, Göyçay, Zərdab, Cəfərxan, Qəbələ, Oğuz, Altıağac, Şabran, Daşkəsən və Bakıda şimşək çaxıb, arabir leysan yağıb.
Senzor.az bildirir ki, bu barədə Milli Hidrometeorologiya Xidmətindən məlumat verilib.
Şimal-qərb küləyi arabir Bakıda və Abşeron yarımadasında 20-25 m/s, Neftçalada 20 m/s-dək güclənib.
Bakıda və Abşeron yarımadasında 20-23°, aran rayonlarında 23-26°, dağlıq rayonlarda 7-12° isti qeydə alınıb.
