Bakıda marşrut xəttinə ilk elektrik mühərrikli avtobus buraxılıb.
Senzor.az Azərbaycan Yerüstü Nəqliyyat Agentliyinə istinadən bildirir ki, elektrik avtobusu “20-ci sahə” – “Nəriman Nərimanov” metro stansiyası istiqamətini əhatə edən 5 nömrəli marşrut xəttində hərəkət edir.
Avtobus 33 sərnişin oturacağına malikdir. Ümumi sərnişin tutumu 82 nəfər olan avtobus tam enerji toplayaraq 350 km məsafə qət edə bilir. Nəqliyyat vasitəsi müasir sərnişindaşıma tələblərinə tam cavab verir.
Elektrik avtobusunun Bakı şəhərinin mövcud relyefinə uyğunluğu yoxlanılaсaq. Nəticələrə əsasən elektrik mühərrikli avtobusların Bakı şəhərinin ictimai nəqliyyatında istifadəsi imkanları qiymətləndiriləcək.
