“Hazırda Azərbaycanın bank sektorunda likvidlik normadan 2 dəfə çox – 7 milyard manat civarındadır”.Senzor.az bildirir ki, bunu Azərbaycan Mərkəzi Bankı İdarə Heyətinin sədri Elman Rüstəmov Milli Məclisin bu gün keçirilən plenar iclasında deyib.
Onun sözlərinə görə, həmin potensial reallaşdırılmır: “Bu isə ekosistemdəki problemlərin siqnalıdır. Həmin problemlər həll edilməlidir ki, banklar iqtisadiyyatı kreditləşdirə bilsinlər. Bankları çox şeydə ittiham etmək olar, amma onları vəsaitləri əllərində saxlayıb kredit verməməkdə ittiham etmək üçün əsaslı arqument tapmaq çətindir”, - o bildirib.
E.Rüstəmov onu da bildirib ki, Azərbaycanın iri özəl müəssisələri ilə əlaqədədirlər və onlar özlərinin qiymətli kağızlarını buraxmaq istəyirlər.
