Gəncədə ağır yol-nəqliyyat hadisəsi hadisəsi baş verib.

APA-nın məlumatına görə, hadisə şəhərin Nizami Gəncəvi prospektində qeydə alınıb. 

Hərəkətdə olan "VAZ-21015 " ilə "VAZ-21014" markalı minik maşınları toqquşub.

Qəza zamanı minik maşınların birində olan sərnişin - 1952-ci il təvəllüdlü Rəziyyə Əhmədova həyatını itirib.

Xəsarət alan 5 nəfər - 2004-cü il təvəllüdlü Əli Süleymanov, 2005-ci il təvəllüdlü Nərmin Qarayeva, 2004-cü il təvəllüdlü Nərgiz Qarayeva, 1958-ci il təvəllüdlü Fərqanə Məmmədova və 1999-cü il təvəllüdlü Taleh İsmayılov isə xəstəxanaya yerləşdiriliblər.

Faktla bağlı araşdırma aparılır.