Kürdəmirdə ağır yol-nəqliyyat hadisəsi baş verib, xəsarət alanlar var.
“Report”un məlumatına görə, hadisə Bakı-Qazax yolunun rayonun Karrar kəndindən keçən hissəsində qeydə alınıb.
Belə ki, iki “Mercedes-Benz”in toqquşması nəticəsində dörd nəfər müxtəlif dərəcəli ağır bədən xəsarətləri alıb.
Yaralılar, Bakı şəhər sakinləri olan iki bacı - 51 yaşlı Quliyeva Yaqut Məmməd qızı, 54 yaşlı Quliyeva Yeganə Məmməd qızı, Şəmkir rayon sakini, 22 yaşlı Məhərrəmli Əmrah Sahib oğlu və daha bir nəfər dərhal təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıblar.
Faktla bağlı araşdırma aparılır.
