Bu gün saat 10:00-dən etibarən Xaçmaz rayonu Xudat şəhərinin və paytaxtın Nizami, Səbail və Xətai rayonlarının qaz təchizatı müvəqqəti dayandırılacaq.
Senzor.az bildirir ki, bu barədə SOCAR-ın “Azəriqaz” İstehsalat Birliyi məlumat yayıb.
Məlumata görə, “Xudat” qaz paylayıcı stansiyasının (QPS) “Qaz İxrac” İdarəsinə məxsus texnoloji hissəsində görüləcək təmir işləri ilə əlaqədar iyunun 14-də saat 10:00-dan 17:00-dək “Xudat” QPS-dən qidalanan “Xudat” ölçü qovşağından qaz təchizatının dayandırılması planlaşdırılır.
Təmir işləri görülən müddətdə Xaçmaz rayonunun bir hissəsinin (Xudat şəhəri, rayonun 30 kəndi) qaz təchizatının məhdudlaşdırılması, işlər başa çatdıqdan sonra qaz təchizatının bərpası planlaşdırılır.
Həmçinin bu gün paytaxtın Nizami, Səbail və Xətai rayonları ərazisində görüləcək təmir işləri ilə əlaqədar saat 10:00-dən etibarən qaz təchizatı dayandırılacaq.
Qaz təchizatı dayandırılan müddətdə Nizami rayonu üzrə Qara Qarayev, Naxçıvanski, Bəhruz Nuriyev, Babək və İlham Məmmədov küçələrinin, Səbail rayonu üzrə Bayıl qəsəbəsinin Buxta küçəsinin, Xətai rayonu üzrə isə Oksigen, Q.Məmmədov, Zığ yolu, Sadıqcan, Cavanşir, R.Quluyev, Kombinat küçələrinin qaz təchizatında müvəqqəti fasilə yaranacaq.
