Prezident İlham Əliyev bu gün imzaladığı sərəncamlarla Əli Cavad oğlu Əhmədovu Azərbaycan Respublikası Baş nazirinin müavini, Şahin Kamil oğlu Seyidzadəni “İçərişəhər” Dövlət Tarix-Memarlıq Qoruğu İdarəsi İdarə Heyətinin sədri, Asif Yunis oğlu Əsgərovu Bakı şəhəri Nəsimi Rayon İcra Hakimiyyətinin başçısı, Heydər Xanış oğlu Əsədovu Azərbaycan Dövlət Dəniz Akademiyasının rektoru vəzifəsindən azad edib. 

Senzor.az bildirir ki, dövlət başçısının digər bir sərəncamı ilə Polad Bülbüloğlu Azərbaycanın Rusiya Federasiyasında fövqəladə və səlahiyyətli səfiri vəzifəsindən geri çağırılıb.