Sosial mediada, "YouTube" kanalında barələrində ifşaedici məlumatlar yayacağı hədəsi ilə ayrı-ayrı şəxslərdən bloqer-jurnalist adı altında pul tələb edən daha bir nəfər müəyyən edilib.

Senzor.az bildirir ki, hüquqazidd hərəkətlərə məruz qalan şəxslərin müraciəti əsasında Cəlilabad rayon sakini, "Baş Kanal Media Group" adlı "YouTube" kanalının təsisçisi Rəşad Şahbazov DİN-in Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb.

Faktla bağlı cinayət işi başlanılıb, istintaq hərəkətləri aparılır.

Məlumatı Daxili İşlər Nazirliyindən təsdiqləyiblər.