Prezident yanında Əfv Məsələləri Komissiyasının 2025-ci il üçün ikinci iclası keçirilib.
Senzor.az bildirir ki, bu barədə jurnalistlərə Komissiyanın üzvü Rəşad Məcid məlumat verib.
O qeyd edib ki, iclası Prezident Administrasiyasının rəhbəri Samir Nuriyev açıb: "İclasda 100-dən çox müraciətə baxılıb. Əsasən qəsdən adam öldürməyə cəhd, sağlamlığa ağır zərərvurma, adam oğurluğuna cəhd, oğurluq və quldurluqla bağlı cinayətlərə görə məhkum olunmuşların müraciətləri müzakirəyə çıxarılıb. Hər bir müraciət diqqətlə araşdırıldı. Səsvermə ilə qərarlar verildi. Komissiyanın növbəti iclası gələn həftə davam edəcək".
Komissiya üzvü xatırladıb ki, əfv məsələləri Prezidentin müstəsna səlahiyyətidir, humanizm və mərhəmət aktıdır: "Komissiya iclaslarını yekunlaşdırandan sonra müsbət rəy verilmiş sənədlər toplanaraq cənab Prezidentə təqdim olunacaq. Yəqin ki, yaxın aylarda biz Prezident tərəfindən növbəti əfv sərəncamının imzalanmasının şahidi olacağıq".
Qeyd edək ki, ötən iclas da 100-dən çox müraciətə baxılıb.
