Artıq bir neçə gündür ki, oxucular Asan İmzanın işləməməsi ilə bağlı şikayət edirlər. Bəs Asan İmzanın işləməməsinin səbəbləri nələrdir, problem nə zaman həll olunacaq?

Bununla bağlı Trend-in sorğusuna cavab olaraq İqtisadiyyat Nazirliyindən bildirilib ki, bu, Dövlət Vergi Xidməti tərəfindən təmzimlənir.

Dövlət Vergi Xidmətindən verilən məlumatda isə qeyd edilir ki, Asan İmzada yaranmış çətinliklər Dövlət Vergi Xidməti ilə bağlı deyil. Adiyyəti qurumlar bəzi abunələrdə yaranmış çətinliklərin aradan qaldırılması ilə məşğuldur.

Bununla yanaşı, sayt ölkədə fəaliyyət göstərən mobil operatorlara da sorğu ünvanlayıb.

"Azercell"dən bildirilib ki, bu problem "Azercell"ə bağlı bir şey deyil, hazırda Asan İmza işləyir.

"Nar" və "Bakcell"dən sorğulara hələki cavab gəlməyib.