“Azərbaycan Hava Yolları” QSC-nin (AZAL) Bakı–Naxçıvan marşrutu üzrə reysləri bərpa olunub.
Senzor.az AZAL-ın Mətbuat xidmətinə istinadən bildirir ki, uçuşlar hazırda cədvələ uyğun şəkildə icra edilir.
Qeyd edilib ki, bölgədə hava şəraitinin sabitləşməsindən sonra reyslərin yerinə yetirilməsi normal rejimdə davam etdirilir.
Xatırladaq ki, AZAL-ın J2-285 və J2-291 nömrəli Bakı-Naxçıvan reyslərini icra edən təyyarələri bölgədə hökm sürən ildırımlı hava şəraiti və yağan dolu səbəbindən dünən axşam Bakıya geri qayıtmışdı.
