İranda böyük şiə təqlidçilərindən olan nüfuzlu din xadimi Ayətullah Nuri Həmədani İslam İnqilabının rəhbəri Ayətullah Xameneini hədələyənlər üçün fətva verib.

Senzor.az yerli KİV-ə istinadən bildirir ki, Ayətullah Nuri Həmədaninin verdiyi fətvada bildirilir:

“Ali dini hakimiyyəti və Ayətullah Xameneini təhqir etmək İslam dininin təməl dəyərlərinə təhqirdir.

Hazırda ali inqilab rəhbəri tam güc və cəsarətlə İslam ümmətinə rəhbərlik edir. İslama, Qurani-Kərimə və Əhli-beytə (ə) qarşı bütün düşmənlərin birləşdiyi bir mühitdə Ayətullah Xameneini dəstəkləmək vacibdir. Lakin onu zəiflətmək haramdır.

İslam İnqilabının rəhbərini və ali dini hakimiyyəti təhdid edən və ya hücuma cəhd edən hər hansı bir şəxs və ya rejimin hökmü müharibdir. Bu cinayətə kömək edənlər də eyni şəkildə cəzalandırılacaqlar".

Xatırladaq ki, ABŞ Prezidenti Donald Tramp, eləcə də İsrailin Baş naziri və müdafiə naziri İranın ali rəhbəri Ayətullah Seyid Əli Xameneini hədələyiblər.