İsmayıllıda ölümlə nəticələnən ağır yol-nəqliyyat hadisəsi baş verib.

Senzor.az bildirir ki, hadisə Qaraməryəm–İsmayıllı–Şəki avtomobil yolunun rayonun Qurbanəfəndi kəndi ərazisindən keçən hissəsində qeydə alınıb.

İlkin məlumata görə, minik avtomobili ilə motosikletin toqquşması nəticəsində 3 nəfər hadisə yerində həyatını itirib.

Daxili İşlər Nazirliyi Mətbuat Xidmətinin regional qrupundan KİV-in sorğunusa cavab olaraq bildirilib ki, faktla bağlı cinayət işi başlanılıb, araşdırmalar aparılır.