Rusiya ordusu ötən gecə İran istehsalı olan “Shahed” tipli 14 pilotsuz uçuş aparatı (PUA) ilə Ukrayna ərazisinə hücumu edib.

Senzor.az yerli KİV-ə istinadən bildirir ki, məlumatı Ukrayna Silahlı Qüvvələrinin Baş Qərargahı yayıb.

Qeyd olunub ki, həmin PUA-lardan 11-i məhv edilib. Bundan başqa, Ukrayna ordusu Rusiyanın 2 dronunu da məhv edib.

Məlumatda deyilir ki, Ukrayna müdafiəçiləri ötən sutka Rusiya hərbçilərinin ümumilikdə 81 hücumunun qarşısını alıb.

O da bildirilib ki, Rusiya hərbçilərinin mülki obyektlərə hücumu nəticəsində dinc sakinlər arasında ölənlər və yaralananlar var. Zaporojyedə “S-300” zenit-raket kompleksindən mülki obyetklərə atılan raket nəticəsində bir infrastruktura da ziyan dəyib.