Ukraynada əsirlikdə olan yüz rusiyalı hərbçi geri qaytarılıb və bunun müqabilində eyni sayda hərbi əsir Kiyevə təhvil verilib.
TASS bildirir ki, bu barədə Rusiya Müdafiə Nazirliyi məlumat yayıb.
Qeyd olunub ki, əsir mübadiləsində Birləşmiş Ərəb Əmirliklərinin hakimiyyət orqanları humanitar vasitəçilik yardımı göstəriblər.
Nazirlikdən vurğulanıb ki, azad edilən bütün hərbi qulluqçular Rusiya Müdafiə Nazirliyinin tibb müəssisələrində müalicə və reabilitasiyadan keçmək üçün Moskvaya aparılacaqlar. Azadlığa buraxılanların hamısına lazımi tibbi və psixoloji yardım göstəriləcək.
