İranın ali rəhbəri ayətullah Seyid Əli Xamenei hakimiyyətdə olduğu 35 il ərzində 42 cümə namazının imamı olub.
Bu barədə statistikanı “İran İnternational” yayıb.
Bildirilib ki, sonuncu dəfə o, imam cümə xütbəsini təxminən 5 il əvvəl İnqilab Keşikçiləri Qvardiyasının (Sepah) Qüds qoşunlarının komandanı general Qasem Süleymani öldürüldükdən sonra edib.
Onun başçılıq etdiyi cümə namazlarının bəziləri bunlardır: Xamenei rəhbərliyinin ilk illərində 1989-cu ildən sonra 9 aydan bir üç xütbə edib, 1991-92-ci illərdə bir cümə namazına başçı olub, 1993-cü ildə pişnamaz olmayıb. 1993-98-ci illərdə hər il iki cümə namazı qılıb. 1998-1999-cu illərdə hər il iki cümə namazına pişnamaz olub. 2001-ci ildə o, Tehranda cümə namazında xütbə oxuyub.
2000-2003-cü illər Xamenei hər il iki cümə namazı keçirib. 2006-cı ildən 2012-ci ilədək hər il bir dəfə cümə xütbəsi edib. Qasem Süleymaninin öldürülməsinədək isə heç bir cümə namazı xütbəsi etməyib.
Bildirilib ki, İranın ali rəhbəri ölkəsində və dünyada baş vermiş ən vacib hadisələr zamanı da xütbə edib. Məsələn, 1998-ci ildə İranda ziyalılar Dariuş Forohar və həyat yoldaşı Pərvanə İskəndərinin qətlə yetirilməsi ilə bağlı cümə namazına rəhbərlik edib.
O, bu gün Livanda “Hizbullah” lideri Həsən Nəsrullah, SEPAH komandirlərindən Abbas Nilofuruşənin və başqalarının öldürülməsi ilə cümə xütbəsi edəcək.
“Report” xatırladır ki, 1989-cu ildə ayətullah Xomeyni öləndən sonra onu Xamenei əvəzləyib.
