İsrailin Hərbi Hava Qüvvələrinin təyyarələri İranın Suriyanın Homs əyalətinin Hesya sənaye şəhərciyindəki Saba maşınqayırma zavoduna zərbə endirib.
Senzor.az xarici KİV-ə istinadən bildirir ki, bu barədə sənaye şəhərinin direktoru Əmir Xəlil məlumat verib.
"İsrail Hesya sənaye şəhərindəki Saba maşınqayırma zavoduna havadan hücum etdi", - Xəlil deyib.
Onun sözlərinə görə, hücumlar davam edir.
İran mətbuatı isə zərbələrdən sonra zavodda həm də güclü yanğın baş verdiyi barədə məlumat yayıb.
Xatırladaq ki, İsrailin müdafiə naziri Yoav Qallant dünən İrana qarşı ölümcül və gözlənilməz zərbə endiriləcəyini bildirmişdi.