İstanbul Böyükşəhər Bələdiyyəsinə (İBB) qarşı aparılan terrorizm və mütəşəkkil cinayətkarlıq üzrə iki ayrı təhqiqat çərçivəsində saxlanılanların sayı 90 nəfərə çatıb.

Senzor.az yerli KİV-ə istinadən bildirir ki, təhqiqat çərçivəsində polis idarəsində İstanbul meri Əkrəm İmamoğlunun dindirilməsi başlayıb.

Bundan başqa, şübhəlilər qismində axtarılan Ertan Yıldız, Buğra Gökce və Uğur Ataman da saxlanılıblar.

Qeyd edək ki, İstanbul Baş Prokurorluğu tərəfindən Ə.İmamoğlu və 99 şübhəli barədə "PKK terror təşkilatına kömək etmək", "cinayət təşkilatına rəhbərlik etmək", "cinayət təşkilatının üzvü olmaq", "rüşvət", "fırıldaqçılıq", "şəxsi məlumatları qanunsuz şəkildə əldə etmək" və "tender saxtakarlığı" ittihamları ilə başladılan istintaq işləri davam edir.