İran Hörmüz boğazında "Prima" adlı neft tankerinə hücum edib.

Senzor.az yerli KİV-ə istinadən bildirir ki, bu barədə İslam İnqilabı Keşikçiləri Korpusunun (SEPAH) Mətbuat xidməti məlumat yayıb.

Qeyd olunub ki, tanker “İran İslam İnqilabı Keşikçiləri Korpusunun Hörmüz boğazının bağlanması və gəminin təhlükəli keçidi ilə bağlı dəfələrlə etdiyi xəbərdarlıqlara məhəl qoymadığı” üçün vurulub.

Məlumatda bir daha xatırladılıb ki, düşmən dövlətlərlə müttəfiq ölkələrin tanker və ticarət gəmilərinin boğazdan keçməsinə icazə verilmir.

Yeri gəlmişkən, gəminin hansı ölkəyə aid olduğu açıqlanmayıb.