
ABŞ Konqresinin üzvləri İrana qarşı hərbi əməliyyatların maliyyələşdirilməsinə qarşı çıxıblar.
Senzor.az yerli KİV-ə istinadən bildirir ki, Nümayəndələr Palatasının demokrat üzvləri Yasmin Ansari və Ro Xanna Konqresi İrana qarşı hücum xarakterli hərbi əməliyyatların maliyyələşdirilməsini bloklamağa çağırıblar.
Qanunvericilər dekabrın 11-dək Konqresi müvafiq addımlar atmağa çağıraraq, vəsaitlərin ölkənin daxili problemlərinin həllinə yönəldilməli olduğunu vurğulayıblar. (Bax:https://www.facebook.com/reel/2034593947214687)
Qeyd edək ki, ABŞ-da dövlət xərclərinin təsdiqlənməsi üçün son tarix dekabrın 11-i təyin edilib. Qanunvericilər maliyyələşdirmə ilə bağlı razılığa gələ bilməsələr, ölkədə federal hökumətin fəaliyyətinin dayandırılması təhlükəsi yaranacaq.