Qarabağda Rusiya sülhməramlılarının məsuliyyət zonasında icazəsiz silah daşınması cəhdinin qarşısı alınıb.
Senzor.az bildirir ki, bu barədə “Minval” nəşri məlumatlı mənbələrə istinadən xəbər yayıb.
Məlumata görə, dünən saat 17:15-də Azərbaycan Ordusunun nəzarət-buraxılış məntəqəsində Rusiya Federasiyası sülhməramlılarının 1 ədəd 82A zirehli transportyor və 3 ədəd “Ural” markalı avtomobildən ibarət olan, Ağdam vasitəsilə Əsgəran-Ağdərə marşrutu üzrə hərəkət edən kolonnası yoxlama üçün dayandırılıb.
Avtomobillərə baxış zamanı onlardan birinin yük hissəsində yataq döşəkləri arasında ən azı 5 ədəd “Kalaşnikov” avtomatı (AKM) aşkar edilib.
Qaydaların kobud şəkildə pozulmasına - silah və sursatların sənədsiz daşınmasına cavab olaraq, kolonna geri qaytarılıb.
Senzor.az
