Qəbələ rayonunda zəlzələ olub.
Senzor.az bildirir ki, bu barədə Respublika Seysmoloji Xidmət Mərkəzinin Zəlzələlərin tədqiqatı bürosundan məlumat verilib.
Məlumata görə, yeraltı təkanlar Qəbələ stansiyasından 11 kilometr cənub-qərbdə, Qəbələ rayonunda qeydə alınıb. Zəlzələ episentrdə 6 bal, ətraf rayonlarda 5-3 bala qədər hiss olunub.
Yerli vaxtla saat 15:13-də baş verən zəlzələnin maqnitudası 5,1 olub.
Zəlzələnin ocağı 42 kilometr dərinlikdə yerləşib.
