İranın Azərbaycandakı səfiri Abbas Musəvi X sosial şəbəkəsində (keçmiş “Tvitter”) İsrailin Azərbaycandakı səfirini təhdid edən post dərc edib.

Senzor.az haqqin.az-a istinadən bildirir ki, səfir yazıb: "Bu mərhələdə HƏMAS-ın cəsur döyüşçüləri sizin üçün kifayətdir. Siz hörümçək torundan daha zəifsiniz. Unutmayın, İran müdaxilə edərsə, Nil çayında deyil, Aralıq dənizində dəfn olunacaqsınız. Qurtuluş yoxdur! Bundan sonra bütün dünya sizə qarşıdır... Azərbaycanın müsəlman, cəsur xalqı, eləcə də bütün dünya sizə qarşıdır".

İsrailin Azərbaycandakı səfiri Corc Dik İran səfirinin bu təhdid postuna münasibət bildirib.

İsrailli diplomatın qeydində “İran rejiminin səfiri”nə “peşəkardan pulsuz məsləhət” verilir: "Ölkəmi məhv etməklə, məni ölümlə hədələdiyiniz zaman (bir daha) ciddi qəbul olunmaq istəyirsinizsə, hörümçək toru ilə müqayisədən imtina etməlisiniz... Hörümçək ipəyi poladdan beş dəfə möhkəmdir".