ABŞ və Avropada hələ müharibə yoxdur, lakin çox yaxında bu müharibə başlaya bilər və Rusiya raketləri o istiqamətdə uçacaq.
Bunu “CBS News”a müsahibəsində Ukrayna Prezidenti Volodimir Zelenski deyib.
Ukrayna rəhbərinin sözlərinə görə, Avropa İttifaqı (Aİ) Rusiya ilə hərbi münaqişəyə girərsə, o zaman Amerika əsgərləri bütün Avropanı müdafiə etməli olacaq, çünki ABŞ NATO-nun üzvüdür.
“Hazırda Birləşmiş Ştatlarda müharibə yoxdur, amma çox tezliklə müharibə ora gəlib çata bilər. Həm Avropaya, həm də ABŞ-a. Hələlik Rusiya raketləri ABŞ-a çatmır, amma sabah bu raketlər istənilən ölkəyə uça bilər”, - Zelenski vurğulayıb.
Senzor.az xatırladır ki, bundan əvvəl ABŞ Ukraynada münaqişənin gərginləşməsi təhlükəsi barədə xəbərdarlıq etmişdi. Qeyd olunmuşdu ki, ABŞ Ukrayna hərbçilərinə onların təhvil verdiyi silahlardan istifadə etmək üçün təlimlər keçməyə başlasa, bu, NATO-nun iştirakı ilə müharibəyə səbəb ola bilər.
