Rusiyada fəaliyyət göstərən azərbaycanlı iş adamı Mehrac Babayevin oğlu Ziya Babayev Moskva şəhərinin “Vnukovo” aeroportunda saxlanılıb.
“Mash” Telegram kanalı əməliyyat çəkilişinin videosunu yayımlayıb.
Qeyd olunur ki, Ziya Babayev İstanbuldan Rusiyaya gizli yolla ümumi dəyəri 36 milyon rubl olan (828 min manat) qızıl-zinət əşyaları keçirmək istəyib.
Kadrlarda Ziya Babayevin gizli yolla Rusiyaya keçirmək istədiyi boyunbağılar, sırğalar, bilərziklər, saatlar, həmçinin zərgərlik markalarının adları olan qutular nümayiş etdirilib.
Zinət əşyaları müsadirə edilərək ekspertizaya göndərilib.
Qeyd olunur ki, Ziya Babayev gömrük ödənişlərindən yayınmaqla yanaşı, strateji əhəmiyyətli qiymətli əşyaların qaçaqmalçılığına görə cinayət məsuliyyətinə cəlb oluna bilər.
