2021-ci il noyabrın 16-da Azərbaycan tərəfindən saxlanılan və bir qədər sonra Ermənistana təhvil verilən 6 hərbçi barədə cinayət işi başlanıb.Senzor.az bildirir ki, bu barədə “Sputnik Armeniya” məlumat yayıb.
Ermənistan İstintaq Komitəsinin Baş Hərbi İstintaq İdarəsindən bildirilib ki, əsirlikdən qayıdan 26 hərbçidən 6-sı barəsində cinayət işi başlanıb, onlar həbs edilib. Onların arasında üç zabit də var. Hərbçilərin heç biri zərərçəkmiş kimi tanınmayıb.
İdarədən o da qeyd edilib ki, hazırda daha 6 hərbçinin ( o vaxt ümumilikdə 32 nəfər əsir götürülmüşdü) vətənə qaytarılması üçün tədbirlər görülür.
