Əfqanıstanda hakimiyyəti ələ keçirən “Taliban” hərəkatı daha bir nazirliyi ləğv edib.
Bu barədə “Afghanistan International” məlumat yayıb.
Məlumata görə, Kabildə Qadınların İşləri üzrə Nazirliyin önündən qurumun adı əks olunan lövhə çıxarılıb. Onun yerinə “Xeyirli olanın əmri və zərərli olanın qadağası” adlı yeni idarə yaradılıb.
Faktiki olaraq, “əxlaq polisi” kimi fəaliyyət göstərən bu orqan “Taliban”ın 1996-2001-ci illər hakimiyyəti zamanı da mövcud olub və əhaliyə qarşı zorakılığı ilə yadda qalıb.
