Roma yaxınlığındakı hərbi zavodda partlayış baş verib.
Senzor.az bildirir ki, bu barədə İtaliyanın ANSA xəbər agentliyi məlumat yayıb.
Qeyd olunub ki, qəza barıt presləmə sexində baş verib. Partlayışdan əvvəl yanğın olub və hadisə zavodun yalnız kiçik bir hissəsinə təsir göstərib.
Müəssisə quru və dəniz qüvvələri üçün orta və iriçaplı sursat, eləcə də raketlər üçün bərk yanacaq istehsal edir.
O da vurğulanıb ki, həmin gün işləyən 24 zavod əməkdaşının hamısı vaxtında təxliyə olunub.
Təhlükəsizlik səbəbindən yaxınlıqdakı yollar bağlanıb.
Yanğınsöndürənlər və xilasedicilər hadisənin nəticələrini aradan qaldırmaq üçün zəruri tədbirləri davam etdirirlər.
