Azərbaycanda qarlı hava şəraiti sabah da davam edəcək, yollar buz bağlayacaq.
Senzor.az Milli Hidrometeorologiya Xidmətinə istinadən bildirir ki, Bakıda və Abşeron yarımadasında arabir qar yağacağı gözlənilir. Gecə və səhər bəzi yerlərdə duman olacaq. Mülayim şimal-şərq küləyi əsəcək.
Havanın temperaturu yarımadada və Bakıda gecə 2°-dək şaxta, gündüz 0°-yə yaxın olacaq.
Atmosfer təzyiqi 778 mm civə sütunu təşkil edəcək, nisbi rütubət 70-80% olacaq.
Azərbaycanın rayonlarında bəzi yerlərdə sulu qar, qar yağacağı, duman olacağı gözlənilir. Ayrı-ayrı yerlərdə intensiv olacağı ehtimalı var. Mülayim şərq küləyi əsəcək.
Havanın temperaturu gecə 2-7° şaxta, gündüz 2° şaxtadan 2°-dək isti, dağlarda gecə 15-20° şaxta, gündüz 5-10° şaxta olacaq.
Yollar buz bağlayacaq.
