Siyəzən rayonunda baş verən qəzada ölənlərin sayı 4-ə çatıb.
"Report"un məlumatına görə, rayon sakini, "Audi" markalı minik avtomobilinin sürücüsü, 1992-ci il təvəllüdlü Məmmədov Nicat Kamran oğlu Siyəzən Regional Diaqnostika Mərkəzinin reanimasiya şöbəsində dünyasını dəyişib.
Onun meyiti müayinə olunması üçün Məhkəmə-Tibbi Ekspertiza və Patoloji Anatomiya Birliyinin Şabran rayon şöbəsinə təhvil verilib.
Faktla bağlı araşdırma aparılır.
**18:11
Bakı-Quba yolunda avtoqəza nəticəsində dünyasını dəyişən iki şəxsin kimliyi məlum olub.
"Report"un məlumatına görə, Bakı-Quba yolunun Siyəzən rayonundan keçən hissəsində “Audi” markalı, 99-DN-744 dövlət qeydiyyat nişanlı minik avtomobilinin idarəetməni itirərək yolun hərəkət hissəsindən kənarda dayanan “Mercedes” markalı, 99-BB-340 dövlət qeydiyyat nişanlı yük avtomobilinə çırpılması nəticəsində həyatını itirən şəxslərin 2006-cı il təvəllüdlü Abbasov Rəvan Malik oğlu və 2007-ci il təvvəlüdlü Məmmədov Akşin Vüqar oğlu olduqları məlum olub.
Sözügedən qəzada ümumilikdə üç nəfər ölüb, iki nəfər yaralanıb.
Hadisə yerinə hüquq-mühafizə orqanlarının əməkdaşları cəlb edilib, zəruri istintaq tədbirləri görülür.
**16:59
Bu gün Siyəzən rayonu ərazisində ölümlə nəticələnən yol-nəqliyyat hadisəsi baş verib.
Hadisə nəticəsində 3 nəfər ölüb, 2 nəfər müxtəlif dərəcəli bədən xəsarətləri ilə Siyəzən Regional Diaqnostika Mərkəzinə yerləşdirilib.
İlkin məlumata görə, qəza zamanı “Audi” markalı avtomobillə yük maşını toqquşub. Hadisənin təfərrüatları dəqiqləşdirilir.
