Azərbaycanda koronavirus (COVID-19) infeksiyasına 5 yeni yoluxma faktı qeydə alınıb, 10 nəfər müalicə olunaraq sağalıb.
Bu barədə Senzor.az-a Nazirlər Kabineti yanında Operativ Qərargahdan məlumat verilib.
Məlumata görə, COVID-19 üçün götürülən analiz nümunələri müsbət çıxmış şəxslər arasında ölən olmayıb.
Azərbaycanda indiyədək ümumilikdə 831 732 nəfər koronavirus infeksiyasına yoluxub. Onlardan 821 386 nəfər müalicə olunaraq sağalıb, 10 272 nəfər vəfat edib, aktiv xəstə sayı 74 nəfərdir.
Ölkədə son sutka ərzində 791, hazırkı dövrədək isə 7 611 705 test aparılıb.
Yeri gəlmişkən, Ümumdünya Səhiyyə Təşkilatı Azərbaycan Nümayəndəliyinin rəhbəri Hande Harmancı bu ayın əvvəlində demişdi ki, COVİD xəstəliyi hələ də var, sadəcə olaraq fövqəladə vəziyyət dövrü ortadan qaldırılıb: "Koronavirusla bağlı pandemiya dövrü bitib, lakin xəstəlik hələ davam edir".
