Masazır qəsəbəsində kütləvi dava olub.
APA xəbər verir ki, hadisə qəsəbədəki Əliağa Vahid küçəsində baş verib.
Mübahisə kafedə Əliağa Vahidin qəzəlinə görə yaranıb. Qəzəli səhv deyən şəxslə 2 nəfər arasında yaranan mübahisə davaya çevrilib. Dava zamanı 1986-ci il təvəllüdlü İbrahimli Xəqani Nizami oğlu və onun dostu, 1981-ci il təvəllüdlü Məhərrəmov Şahin Vahid oğlu bıçaqlanıb. Onları Xəyal adlı şəxsin bıçaqladığı iddia olunur.
Yaralılar ağır vəziyyətdə xəstəxanaya yerləşdirilib. Xəstəxanadan verilən məlumata görə, X.İbrahimlinin vəziyyəti daha ağırdır.
Faktla bağlı Abşeron Rayon Polis İdarəsində araşdırma aparılır.
