Nazirlər Kabinetinin 2 dekabr 2022-ci il tarixli qərarı ilə təsdiq edilmiş “Əlavə dəyər vergisindən azad olunan bilavasitə kənd təsərrüfatı təyinatlı suvarma və digər qurğuların, maşınların, avadanlıqların və texnikaların, habelə onların ehtiyat hissələrinin Siyahısı”nda dəyişiklik edib.

Senzor.az xəbər verir ki, bununla bağlı Baş nazir Əli Əsədov yeni qərar imzalayıb.

Qərara əsasən, kənd təsərrüfatı və yaxud bağçılıq üçün daşınan qurğular, kənd təsərrüfatında istifadə üçün nəzərdə tutulmuş pnevmatik qaldırıcılar və konveyerlər:, səpələnən materiallar, kənd təsərrüfatında istifadə üçün nəzərdə tutulmuş pnevmatik qaldırıcılar və konveyerlər, samanın tədarükü üçün digər maşınlar, taxılyığan kombaynlar, digər taxıl döyümü maşınları və yaxud mexanizmlər ƏDV-dən azad edilib.

Bu qərar 2023-cü il yanvarın 1-dən tətbiq edilir.