Bakı-Quba yolunda yük maşını aşıb.
Senzor.az bildirir ki, hadisə yolun Şabran rayonundan keçən hissəsində qeydə alınıb.
Belə ki, Bakı şəhər sakini, 1981-ci il təvəllüdlü Mustafayev Bəhruz Vaqif oğlunun idarə etdiyi yük maşını hərəkətdə olarkən idarəetmədən çıxaraq aşıb. Sürücü hadisə yerində ölüb.
Sərnişin – Qobustan rayon sakini, 1967-ci il təvəllüdlü İbrahimov Nazim Zülfəli oğlu isə müxtəlif dərəcəli xəsarətlərlə Şabran Rayon Mərkəzi Xəstəxanasına çatdırılıb. Amma həkimlərin səyinə baxmayaraq, onun həyatını xilas etmək mümkün olmayıb.
Hər iki şəxsin meyiti müayinə üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Şabran rayon şöbəsinə təhvil verilib.
Hadisə ilə bağlı araşdırma aparılır.
