Qaxda avtomobil ağaca çırpılıb, ata və 3 övladı xəsarət alıblar.
APA-nın məlumatına görə, hadisə Qax şəhəri, S.Vurğun küçəsində baş verib.
Bakı şəhər sakini Pərvin Mehdiyev idarə etdiyi "BMW" markalı avtomobili ilə hərəkətdə olarkən, idarəetməni itirməsi səbəbindən avtomobil yol kənarındakı ağaca çırpılıb.
Hadisə nəticəsində avtomobilin sürücü P. Mehdiyev və onun üç azyaşlı qızları - 2012-ci il təvəllüdlü Banuçiçək Mehdiyeva, 2014-cü il təvəllüdlü Əsmənur Mehdiyeva və 2016-cı il təvəllüdlü Selcan Mehdiyeva müxtəlif dərəcəli bədən xəsarətləri alıblar. Yaralılar Qax Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
