Sumqayıt dəmiryolu vağzalında baş verən yanğın söndürülüb.
Fövqəladə Hallar Nazirliyindən Senzor.az-a verilən məlumata görə, Sumqayıt dəmiryolu vağzalının inzibati binasının damında quraşdırılan 1 ədəd kondisioner kompressoru, divar üzlüyü 15 m² sahədə və 10 p.m elektrik kabeli yanıb. Yanğın zamanı 10 nəfər yanğınsöndürənlər tərəfindən təhlükəsiz əraziyə təxliyə olunub.
Bina yanğından mühafizə olunub. Alovun qarşısı yanğından mühafizə bölmələri tərəfindən alınıb.
**22:53
Sumqayıt dəmiryolu vağzalında baş verən yanğın söndürülüb.
“Report” məlumat verir ki, yanğınsöndürənlərin operativ müdaxiləsi sayəsində yanğının qarşısı, genişlənməsinə imkan verilmədən qısa müddətdə alınıb.
İlkin ehtimala görə, kondisionerdə qısaqapanmadan sonra yaranan alov alkapon və naqillərə keçib.
**22:19
Sumqayıt dəmiryolu vağzalında yanğın başlayıb.
"Report" məlumat verir ki, hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Sumqayıt rayonunun yanğından mühafizə hissələrinin texnikaları cəlb olunub.
Yanğının qarşısını almaq üçün müvafiq işlər görülür.
