Quba rayonunda iki nəfərin ölümü və daha 3 nəfərin yaralanması ilə nəticələnən yol-nəqliyyat hadisəsi baş verib.
Senzor.az bildirir ki, hadisə Quba-Xaçmaz avtomobil yolunun Alekseyevka kəndindən keçən hissəsində qeydə alınıb.
Belə ki, “Mersedes”, “Vaz-2107” və “Niva” markalı avtomobillərin toqquşması nəticəsində Zamiq Namiq oğlu İsmayılov və Sərhəd Yəhya oğlu Məmmədov həyatlarını itiriblər.
Elçin Mehrəli oğlu Həmzəliyev və daha iki nəfər isə müxtəlif dərəcəli bədən xəsarətləri alıblar. Onlar Rayon Mərkəzi Xəstəxanasına yerləşdiriliblər.
Daxili İşlər Nazirliyi Mətbuat Xidmətinin Quba regional qrupundan bildiriblər ki, faktla bağlı araşdırmalar davam etdirilir.
