Azərbaycan Respublikasının işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı yaradılmış Əlaqələndirmə Qərargahının nəzdində Müvəqqəti İdarəetmə Mərkəzi tərəfindən Xankəndi şəhərində müvafiq tibbi xidmətlərin təşkilinə başlanılıb.
Senzor.az bildirir ki, Azərbaycan Respublikası Prezidenti Administrasiyasının (PA) yaydığı məlumatda belə deyilir. 
Azərbaycan Respublikasının səhiyyə qurumlarının məsul şəxslərinin iştirakı ilə ixtisaslaşdırılmış tibbi heyət, o cümlədən müxtəlif tibb mütəxəssisləri, 7 ambulans və təcili tibbi yardım briqadası Xankəndiyə ezam olunub.
Xankəndidə əhalinin cari tibbi və sanitar-epidemioloji vəziyyəti qiymətləndiriləndən sonra növbəti müvafiq addımların atılması nəzərdə tutulur.
**21:00(30.09.2023)
Azərbaycanın mərkəzi hakimiyyəti növbəti tibbi yardım briqadasını Xankəndiyə yola salıb.
Senzor.az bildirir ki, bu gün 7 təcili tibbi yardım avtomobili həkim heyəti ilə birgə şəhərdə təcili tibbi yardım və müayinə işinin təşkili məqsədilə Xankəndiyə göndərilib.
Təcili Tibbi Yardım briqadası Ağdam-Əsgəran-Xankəndi yolu ilə yola salınıb.
