Milli Hidrometeorologiya Xidmətinin aprelin 4-ü saat 15:00-a olan məlumatına əsasən ölkə ərazisində müşahidə olunan güclü şimal-qərb küləyi tədricən zəifləyib.
Xidmətinin Proqnozlar Bürosundan Senzor.az-a bildiriblər ki, hazırda küləyin maksimal sürəti Bakıda və Abşeron yarımadasında saniyədə 21, Neftçalada 23, Şahdağda 20, Naftalanda 18, Ağdamda 16 metrdir. Neft Daşları stansiyasının məlumatına əsasən dənizdə dalğanın hündürlüyü 3,4 metrə çatıb.
Bəzi bölgələrdə yağıntılı hava şəraiti müşahidə olunur. Xaltan, Şabran, Altıağac, Xaçmaz, Qubada yağış, Qusar (Laza), Qrız, Xınalıqda qar yağır.
**09:44
Ölkə ərazisində davam edən küləkli hava şəraiti axşama doğru zəifləyəcək.
Senzor.az xəbər verir ki, bunu Milli Hidrometeorologiya Xidmətinin Proqnozlar Bürosunun direktoru Gülşad Məmmədova deyib.
"Əvvəlcədən xəbər verildiyi kimi, ölkə ərazisində güclü şimal-qərb küləyi əsir. Hazırda küləyin maksimal sürəti Bakıda və Abşeron yarımadasında 35 m/s, Naftalanda 28 m/s, Goranboyda 27 m/s, Tərtərdə 22 m/s, Şəmkir, Gəncədə 20 m/s, Mingəçevir, Quba, Ağdam, Bərdədə 18 m/s-yə çatır", - deyə G. Məmmədova qeyd edib.
