Baş prokuror Kamran Əliyevin müvafiq əmrinə əsasən Rəşadət Orucov Xankəndi şəhər prokuroru vəzifəsinə təyin edilib.
Senzor.az bildirir ki, məlumatı Baş Prokurorluğun Mətbuat Xidməti yayıb.
Qeyd olunub ki, Rəşadət Orucov 2012-ci ildə müsabiqə yolu ilə prokurorluq orqanlarında qulluğa qəbul olunub. Əvvəllər Mingəçevir Şəhər Prokurorluğunun müstəntiq və böyük müstəntiqi, Tovuz Rayon Prokurorluğunun böyük müstəntiqi, Bakı Şəhər Prokurorluğunun İstintaq idarəsinin böyük prokuroru vəzifələrində çalışıb. 2019-cu ildən hazırkı vaxtadək Yasamal ayon рrоkurorunun müavini vəzifəsində işləyirdi.
Xatırladaq ki, Qubadlı rayonunda anadan olan Rəşad Orucov 8 yaşında erməni işğalı nəticəsində ailəsi ilə birgə məcburi köçkün düşüb.
Onu da xatırladaq ki, Xankəndi Şəhər Prokurorluğu Azərbaycan Prezidenti İlham Əliyevin 4 may 2024-cü il tarixli sərəncamı ilə yaradılıb.
