Sabah Qobustan və Xəzər rayonlarının bir hissəsinin qaz təchizatında müvəqqəti fasilə yaranacaq.
Senzor.az bildirir ki, bu barədə "Azəriqaz" İstehsalat Birliyi (İB) məlumat yayıb.
““Qaz İxrac” İdarəsinə məxsus “Mozdok-Qazıməmməd” yüksək təzyiqli magistral qaz kəmərinin 279-cu km-də, “Yeni Binə” QPS-də giriş kollektorunun fləns birləşməsində aşkar olunmuş qaz sızmalarının ləğvi və “Zirə-Şimal DRES” magistral qaz kəmərində aparılacaq təmir işləri ilə bağlı 27.05.2024-cü il tarixində saat 11:00-dan etibarən işlər başa çatanadək “Mərəzə”, saat 10:00-dan isə “Yeni Binə-2 əhali”, “Yeni Binə-1 sənaye”,“Zirə 4”, “28 May sənaye”, ”Zirə Qəbul (Paralel)” ölçü qovşaqlarından qaz təchizatının dayandırılması planlaşdırılır", – İB xəbərdarlıq edib.
Qeyd olunub ki, "təmir işləri aparılan müddətdə Qobustan rayonunun bir hissəsinin (Mərəzə şəhəri də daxil olmaqla 12 kənd , 130 qeyri-yaşayış sahəsi) və paytaxtın Xəzər rayonunun bir hissəsinin (Binə sovxozu, Mehriban qonşular və Gürcüstanlılar yaşayış massivləri, Zirə qəsəbəsi, Dübəndi, Dənizkənarı küçəsi və 35 qeyri-yaşayış sahəsi) qaz təchizatında müvəqqəti fasilə yaranacaq".
