Sabirabad, Hacıqabul və Ağsu rayonlarının qaz təchizatında məhdudiyyət yaranıb.
Senzor.az bildirir ki, bu barədə “Azəriqaz” İstehsalat Birliyi məlumat yayıb.
Qeyd olunub ki, yeni çəkilmiş yüksək təzyiqli qol kəmərinin “Qaz İxrac” İdarəsinə məxsus “Qazıməmməd-Qazax I xətt" yüksək təzyiqli magistral qaz kəmərinə birləşdirilməsi ilə bağlı iyulun 8-də saat 08:00-dan etibarən “Qarasu əhali” ölçü qovşağından qaz təchizatı dayandırılıb.
Təmir müddətində Sabirabad rayonunun bir hissəsinin (16 kənd və 35 qeyri-yaşayış sahəsi), Hacıqabul rayonunun bir hissəsinin (10 kənd, 2 qəsəbə və 28 qeyri-yaşayış sahəsi) və Ağsu rayonu üzrə Padarqışlaq kəndinin qaz təchizatında məhdudiyyət yaranıb.
Qazın verilişi işlər başa çatdıqdan sonra bərpa olunacaq.
