Avqustun 5-də Bakıda və Abşeron yarımadasında hava əsasən yağmursuz keçəcək, cənub-şərq küləyi əsəcək.
Senzor.az Milli Hidrometeorologiya Xidmətinə istinadən bildirir ki, havanın temperaturu gecə 21-26°, gündüz 33-38° isti olacaq.
Atmosfer təzyiqinin normadan aşağı - 754 millimetr civə sütunu olacağı gözlənilir. Nisbi rütubət gecə 60-70, gündüz isə 35-40 faiz olacaq.
Abşeronun şimal çimərliklərində - Sumqayıt, Novxanı, Pirşağı, Nardaran, Bilgəh, Zuğulbada dəniz suyunun temperaturu 26-27°, cənub çimərliklərində - Türkan, Hövsan, Sahil, Şıxda isə 27-28° isti olacaq. Cənub-şərq küləyi əsəcək.
Azərbaycanın rayonlarında da hava əsasən yağmursuz olacaq. Lakin gündüz bəzi dağlıq ərazilərdə qısamüddətli yağış yağacağı, şimşək çaxacağı, dolu düşəcəyi ehtimalı var. Gecə və səhər arabir duman olacaq, şərq küləyi əsəcək.
Havanın temperaturu gecə 21-26°, gündüz 34-39°, dağlarda gecə 12-17°, gündüz 20-25° isti olacaq.
