Naxçıvanda 8 tona yaxın çətənə kolu məhv edilib.
Senzor.az bildirir ki, bu barədə Naxçıvan Muxtar Respublikası Daxili İşlər Nazirliyinin mətbuat xidməti məlumat yayıb.
Qeyd olunub ki, Naxçıvan Muxtar Respublikasında polis əməkdaşları narkotik tərkibli bitkilərin aşkar olunaraq məhv edilməsi istiqamətində tədbirlər həyata keçirir.
Keçirilən tədbirlərlə Culfa, Şərur, Şahbuz və Ordubad rayonları ərazisindən yabanı halda bitən, ümumi çəkisi 7,628 ton olan 202 875 ədəd çətənə kolu aşkar olunaraq götürülüb.
Həmin çətənə kolları yandırılaraq məhv edilib.
Bu istiqamətdə tədbirlər davam etdirilir.
